Ukhamipana maya achikt’äwimpi jaqxatasma pachpa mayacht’äwimaru. Uka achikt’äwi jaqxatasiñapawa tunka phisqani (15) uranakana kunapachatixa achikt’äwi luqt’ataru phuqanipana (nayraqata achikt’äwina).

Achikt’äwiru jaqxatasmawa, jawsusiña taypita, achikt’äwi luqt’äwixa uka pachpa jawsuña jakhumata jawsusipana, kunaki achikt’äwi luqt’atanakaxa uka mayt’äwi sayt’ayañapatakïphanti, jani ukaxa jani kamsasa sayt’ayatata, wakichata qhantayatata, suma qhaniri wakichatata, jani mayita utjipana, ukhama kunapachatixa servicio telefónico wakichata mayt’äwi jani suma qhanipana achikt’äwi utjipana.

Yatiñamawa, mayt’asirikiwa ukhama achikt’äwiru jaqxataña jawsusiña jani ukaxa web taypita kunapachati servicio público móvil wakichata mayt’äwi jani walt’ipana.

Ukhamipana OSIPTEL taypiru maya achikt’äwi añaya luqt’arakisma, qillqatanaka katuqaña taypita usuarios@osiptel.gob.pe jani ukaxa yaqha markanaka qillqanaka katuqaña taypitsa (ukataki akïri web taypiru limt’ma), mayachäwi akhama wakisirinaka jani phuqipana:

• Maya solución anticipada al reclamo (SAR) sata amtäwi;
• Maya solución anticipada al recurso de apelación (SARA) sata amtäwi;
• Maya nayrïri amtäwi mayachäwina phuqañapana;
• Maya amtäwi TRASU taypita mistupana; jani ukaxa
• Uka silencio administrativo positivo (SAP) taypiru achikt’asiñataki.

Maski wakichata mayt’äwi amtäwixa kunjamansa apasphana, mayt’iri mayachäwixa akhama yatiyäwinaka yatiyañapaxa:

• Wakichata mayt’aña tuqita.
• Utjirinakapa, mayt’äwinakapa ukata wakichata mayt’äwina purïwinakapa.
• Qullqi phuqaña pacha chimpupa.
• Wakichata mayt’äwi amtata pachapa, mayt’äwi amtata pacha janirara tukuskipana p’akiña, qullqi wayxatäwipa, wakisipana ukata yaqha qullqi irt’asiñanakampi.
• Wakichata mayt’äwi k’ata qhanañapa ukata k’achata qhanañapa Megabits (Mbps) ch’ipxtäwitjama, sapa maynitaki amtatatjama, wakichatanakana k’ata apaqaña (downlink) ukata wakichatanaka apayañanaka (uplink), ukhamaraki k’ata qhanañanakataki wakisirinikapata, uka servicio de acceso a Internet (fijo y móvil) wakichata mayt’äwinakataki.
• Wakichatanaka apaqaña Megabytes (MB) jani ukaxa Gigabytes (GB) wakisiritjama, uka servicio de acceso a Internet (fijo y móvil) wakichata mayt’äwinakataki;
• Qullqi chani phuqaña tuqita qawayata yatiyaña.
• Uka radiodifusión por cable wakichata mayt’äwita, qhantayaña sutinakapa ukata jakhunakapa, ukata, nayraqata qullqi churasa wakichata mayt’äwi sayt’ayañataki phuqañanaka.

Jïsa, ukampinsa phisqa (5) irnaqaña urunaka pacha tukusi utjkipana qullqi phuqaña laphi qillqatanaka katuqañamaru apayaniñapa, jani ukaxa jumana mayitamarjama utamarusa puriyaniñaparakiwa.

Wali wakisiriwa yatiñama, Estado de Emergencia Nacional chiji pacha amtatana, wakichata mayt’iri mayachäwinakaxa taqi kuna yatiyäwinaksa wayra taypita apayañapa, maski mayt’asirixa yatiyäwi sich’suta utaru puriniñapsa mayiskphana.

Wakichata mayt’iri mayachäwi jani pachaparu kuna apayanitaxa, maya achikt’äwi luqt’asmaxa ukaruwa 8 irnaqaña urunakana phuqaniñapa.

Ukampinsa, qullqi phuqaña laphima uñjarakismawa, uka wayra taypita (App) wakichatanakata ukasti mayachäwinaka suma wakichatäxarakiwa.

Mayt’iri mayachäwimaxa kunanakatixa wakichata mayt’äwi amtasina qillqantasi ukanakatakwa qullqi wayt’añapaxa, ukxaru uka empaquetada mayachata wakichäwinaka jani ukaxa convergencia wakisipana irxatasa.

Qullqi phuqaña laphina akanakata qullqi wayt’asiñapa:

• Qullqi chani khuskha phuqaña, pacha chimputaki amtatarjama.
• Wakichata qhantayäwita.
• Wakichata qhanayäwita
• Yaqha wakichäwinakata, yapxatäwinakata ukata kamachinakatjama yaqha wakisirinakata.
• Ukata servicios públicos de telecomunicaciones yaqhanakana mayt’äwinakapata qullqi phuqaña amtatatjama ukata maychäwinaka qullqi mayitatjama.
• Wakichata mayt’äwi qullqimpi qhantayatata, qullqi chani laphi ch’ikutjama.
• Qullqi ampara jani ukaxa qhiparu qullqi phuqaña jani ukaxa wakichata mayt’äwi qhanayañataki yaqha yänaka mayitatjama, qhawqha kutina qullqi phuqaña amtasa ukata qhawqha kuti qullqi phuqaña jalaqtiritjama, wakisiritjama.
• Qullqi manu phuqaña jaljayaña.
• Iraqatanaka, kutt’ayäwinaka jani ukaxa irxatt’äwinaka.
• Qullqi qallunaka.

Janiwa kunatsa, wakichata mayt’iri mayachäwixa uka qullqi manu phuqayäwita, qullqimpi wayxatäwinakatsa jani ukaxa yaqha ukhamanakatja qullqi wayt’añapati.

Jawsasiña jakhu apanaqaña wakisiriwa wakichata mayt’asiriru jawsasiña jakhupa jani chhaqasiyiti uka telefónico fijo o móvil wakichatanakataki, mayachäwi jaqukipatatata. Uka apanaqaña jawsañanaka wakichatanakana, paya tunka pusini 24 pacha chinuna jawsusiña jakhuxa yaqharu apasispa, kunaki wakichata mayt’asiri jani tunka (10) jila jawsusiña jakhunïpante.

Jawsusiña jakhu apanaqaña pacha t’aqa uka servicio de telefonía fija wakichatana uka servicio de telefonía fija wakichata qhantayata pacha saraqatatjamaniwa.

Wakichata mayt’asirïsta jani ukaxa apsurïsta jukhaxa maya achikt’äwi luqt’asmawa uka portabilidad realizada sin tu consentimiento achikt’äwi uka mayachäwimaru kawkïri mayachäwinti uka luqaskta ukatjama. Paya (2) phaxsina, jawsusiña apanaqañataki achikt’äwi luqatatjama, ukhamata maya achikt’a luqañataki.

Achikt’äwi luqt’atampikiwa, mayachäwi akhama wakisirinakaru phuqañapa:

• Wakicht’a mayt’äwi sayt’ayañapa, wakichata mayt’asirina mayt’ataparu janiraki, ukata,
• Jawsusiña jakhu apanaqaña yaqha yämpi alatächisti, uka jakhuxa sayt’ayasiniwa ukata IMEI chimpupampiwa jani Chaqkiri Sutinaka taypiruwa qillqantasirakini.

Achikt’äwima iyawa satächisti (katuqata), mayachäwixa phuqañapawa:

• Jawsusiña jakhuma mayachäwimaru kutt’ayañapa, nayra pachpa qullqi chanimani.
• Qullqi manu utjirinakasa ukhampachakxaniña, kunattixa, wakichata mayt’asita janirara pachapa tukuykipana sayt’ayatata jani ukaxa kawkipiri mayachäwimpiti jawsusiña jakhuma apanaqktaxa uka taypita qullqi phuqaña mistutipana.

Jïsa, mayachäwixa mayt’äwima acht’iriktamwa akhamankatamata:

• Qhipa mayachäwimana janira maya phaxsi ukankatamata.
• Wakichata mayt’atama sayt’ayatamata ukasti 30 irnaqaña urunaka saraqxipana.
• Jawsusiña jakhuma apanaqaña mayt’ata pachana, qhipa phaxsi qullqi manu phuqañama jani ukaxa qullqi manu jaljayasina phuqañama utjipana.
• Wakichata mayt’asitama manutjama sayt’ayatipana, jucha t’aqirinakana mayitaru, jani wakiniyatata, jani chiqaparu apnaqatata jani ukaxa jani wakisiri apanaqatata.

Jïsa, mayt’asirjama jani ukaxa wakichata apanaqirjama wakichata mayt’iri wakichäwiru mayt’asitama sayt’ayaña mayt’asmawa, jani kuna layku ukata jani kamsasisa. Mayt’äwima katuqatata maya qillqata ukata chimpupa mayisiñamawa.

Suma yatiñamawa, mayt’asitama tukuyasina kuna manunaka phuqañama utjirisa janiwa taktatäkaniti, ukhamaraki wakichata mayt’äwima sayt’añapkama churatatsa janirakiwa qullqi phuqañamäkiti.

Wakichata mayt’äsitama sayt’ayaña mayt’atamaxa jukhawraspawa phuqasiñapa janirara phisqa (5) irnaqaña urunaka saraqkiphana, kunapachatixa uka tuqita yatiyäwixa mistxi jukhatpacha, jani maya uru pacha t’aqa mayksta jukhaxa.

Suma yatiñamawa, mayt’asiri jani ukaxa wakichata apanaqiriwa wakichata mayt’asitapa tukuyxañapa mayachäwiparu mayiñapa, uksti janirara phisqa (5) irnaqaña urunaka saraqkipana ukhamaraki janirara maya (1) phaxsi saraqkipana.

Jïsa, wakichata mayt’asita tukuyañataki mayt’añataki ukhamaraki uka servicio de Acceso a Internet Fijo o servicios empaquetados con dicho servicio mayachata wakichatanaka Telefónica del Perú S.A.A. taypita tukuyaña mayt’ataxa janirara maya (1) irnaqaña uruna phuqasiñapa, mayt’äwi luqt’a pacha uruta.

Uka mayt’äwisti wayra wakichäwi (App) taypita luqt’asirakispa jani ukaxa wakichata mayt’asiña amtañataki wakichatanaka taypita.

Mayt’asirisa ukhamaraki jawsusiña apanaqirisa mayachäwiru sayt’ayaña ukata mayt’asita tukuyaña maynt’aspawa. Mayt’äwi luqt’añamawa ukata sayt’ayata chimpuma imañamawa ukhamata yatiyatama qhananchañataki.

Qhananchaña wakisiwa, wakichata mayt’iri mayachäwi purapata wakichata mayt’äta sayt’ayarakispa ukata jawsusiña jist’antarakispawa, kunapachatixa yatiya katuqasinpacha. Mayachäwi jani ukhama phuqipana, yatiyatata uksaru wakichäwi qhanayatanakata qullqi chani phuqañapawa.

Jawsañama sayt’ayatampi jani chuymawnuqtasaxaa (jawsaña jiwayaña) jani ukaxa jawsaña apanaqañama sayt’ayasa jiwatipana, mayt’asirjama maya achikt’äwi uka mayachäwima irqnaqaña utanakapana luqt’asma, sayt’ayata jawsuña apasina ukata SIM Card (Chip) qhantayiri apasina.

Mayachäwima suma qhanstayasina ukata achikt’äwita suma yatxatasina ukata jukhawraspachawa jawsañama qhantayañapa jani ukaxa wakichata mayt’äwi qhantayañapa, chiqapipana. Jani ukhamipana, OSIPTEL mayachäwiruwa qawayata yatiyañapa, achikt’äwi luqt’ata pachata janirara tunka phisqani (15) irnaqaña urunaka saraqkipana. Ukxarusti, OSIPTEL mayachäwixa chiqaparu arjarani, janirara tunka phisqani (15) irnaqaña urunaka saraqkipana.

Wakichata mayt’asiri kankañamampi mayt’äwima pisita 15 urunaka ukata 2 phaxsi sayt’ayaña mayirakismawa. Uka pachaxa, mayt’äwimata janiwa kuna qullqsa apsuñamätamti

Suma yatiñamawa, sayt’ayata mayt’äwimaxa k’atakiwa qhantayasiñapa pachapa phuqasipana ukata mayachäwima maya qullqi chani uka qhantayatata mayiñapa.

Jïsa, wakichata mayt’iri mayachäwimaru mayt’añama ukata mayachäwixa mayt’äwima sayt’ayaña pachapa janirara phuqaskipana qhantayarakiñapawa.