ORAPENI 10 KANTAKANTIMPIRI TIMAKOTATSIRI PIKOBIRI ORA KAJEMAMENTOTSIPAYE

Amenakotimpirii, kametsaperori pikobiri, shakotirori pikajemantari, maaropeni piyoteri

IKANTAKOTA IRASHI TIMAKOTATSIRI PIKOBAYETIRI KAJEMAMENTOTSIPAYE

10 kantakantimpiri piyoperotero, aisati pitikakobentero Poaynireakotero Ikantakota

PIKANTAKOTERO TSITOK PIYOTANTEARORI KANKATANTIMPIRI ANTA IÑANEKI MASONTI

¡Maronipaye ayojeitero kantakanteri!

KOAPEROTACHARI KANTAKANTIRIRI KOBIRORI SAMPITAANTSI AISATI AKAYETERI

KANTAKANTIMPIRI PIKOYAPEROTERO PIKOBIRI, KANTIRORI KAMETSAPERORI ORA PIKOAPEROTIRI

Abiro ashitarori timatsi kantakantimpiri pikoantajearori pabisakotaje anta ashitaroriki pikajemantari, akantabake, ari omatakea pikoaje otsipasato kantayetachari opinayeta okantakantayetiri pakotaanta ashitaroriki, asisati opayetempiri pimateri pikoayetiri. Aisati ari omatakea pikantashiyetajearo pikoakayri pipinakobentero aisati pipinakobenteri irosatibetachari.

Aririka pikobi pikantashitajearo otsipasato kantayetachari okoayetiri ashitarori kajemamentotsi otsipasato papinitiri timimotimpiri pikobiri kajemamentotsi sabikakotatsiri aisati panitakayiri, timatsi kantakantimpiri pikoantajearori eiro pipeantarotsi ara ashitaroriki.

Eiro, ora pabisakotajerika timimotimpiri tee opinateaji aririka pikamitajero ashitaroriki kajemamentotsiki, ari ipetajempiro opokajerinka otsipaki ikoakoyetantampiri, yakotabakempiro pikamitantakarori.

Otimatee piyotakotabakero, iyoshiyetakea aparosati kamiyetirori yabisakotaje pikobiri otimimotempi Internet Sabikakoro aisati pikobiri maaroni kantayetachari pikoayetiri ashitaroriki Telefónica del Perú S.A.A. otimeme antakoperotea okaratakotee oyakotte (1) aparoni iroperori kitayteri eirorika okoakota aisati otimatee akibantero okarate (5) iroperori kitayteri aisati aririka pikobero pamenakotakantero iyotakoperotirori, aririka otimakotee pikantakotajero pibashineajero y/o poametsatakotajero pikoayetiri.

Maaroni pikoayetiri, ora ashitarori kajemamentotsi otimatee opempiro aparoni pikajemanteari aisati kantakantirori pamenakotantajearori.

Pabisakotajirinka otsipasatoki, kaari onimoperotimpi, timatsi kantakantimpiri pipiantajeari pintanakaronta pikajemantari peerani (tee pikoajero pabisakotaje) okarati osamanite (40) iroperori kitayteri , opoñanakempa pikoantakarori pabisakotaje. Ora ashitarori pikajemantari otimate oipiajempiro pikajemantari peerani, aisati teerika okametsataje.

Aririka pimabetakaro ora eiro pipeantarotsi anta pikobiri kajemamentotsiki sabikakoro aisati panitakairi irokia pikobi pabisakotaje otsipaki ashitarori osheki okantayetimpi iroperontantsiyetatsiri tee oshiyaro timimotimpiri otimatee pikoajero aisati eiro pipeantarotsi okaratakotee aparoni (1) kashiri pintantanakarori pantakarori ashitaroriki pikajemantari peerani.

KANTAKANTIMPIRI IPETEMPIRO KANTAKANTEMPIRI PIKOBIRI

Pikamitakerorinka pikobiri kajemamentotsiki, ora ashitarori pikajemantari otimate openpiro aparoni sankenarentsi okarate apite (2) kitayteri iroperori oijatitanakearo picharinkantakarori amenakotimpiri, otiankempiro sankenarentsiki shiyakotachari, aisati ari diez (10) kitayteri iroperori, aririka pikobi ipetempiro sankenarentsiki anta pibankoki.

Pikenkeshirero arika ora amenakotimpiri picharinkakero sankenarentsiki, ora ashitarori otimatee opempiro iroperori sankenarentsi amenkotimpiri aisati otsipayetari, ari otimakotempi otimatee opetiteampiro pitsapantantakarori pikobiri.

Jee ari omatakea. Tempa abirotake timatsikera kantakantimpiri pikoantajearori otsipa amenkotimpiri aisati otsipayetari, arika otimakotempi. Ora ashitarori otimatee opempiro okarate (5) kitayteri iroperori ora pikamitantakarori. Aisati ari omatakea ipetempiro otsipa amenakotimpiri sankenarentsiki shiyakotachari.

Otimatee pikenkeshirero, ora ashitarori kajemamentotsi ari okoakotakempi otsipa amenakotimpiri, arika pikoakotakero ipetempiro, sankenaperotaantsi.

KANTAKANTIMPIRI OTIMAKOTEMPI PIKOBIRI KAARI TSONKATSEMPA AISATI KAMETSARI

Ora pikobiri aririka okantashiyetakea aisati okoaperota yamenero iyotakotirori ashitarori kajemamentotsi anta pibankoki, ari omatakea pikantakantero kaari kametsatatsine.

Ora ashitarori kajemamentotsi ari omatakero opempiro okarate (1) kitayteri, irokia anta nampitsipeki osabikayeti anampipee okarate (2) kitayteri.

Teerika onimotempi ora ibetsikayetakeri aisati teerika okametsate pikantakoyebetakari okarayebeta kitayteripee,ora ashitarori kajemamentotsi otimakoti iroperori aparoni ikantakotero okametsaperoti pikobiro aisati otimatee ikantakotero sankenarontsiki okarati (8) kitayteri iroperori.

Ora pikobiri aririka okantayetakea aisati tee pikobiro yamenakotero iyotakotirori ashitarori kajemametotsi anta pibankoki, otimatee pikantakoperotero okametsaperoti pikobiri.

KANTANKANTIMPIRI PIKANTAKOTERO KAARI KAMETSARI

Ari omatakea pikantakantero terika okametsateji, aisati pikantakotero (*) pikantakotero (**):

  • Yora ashiperoyetarori kobirori (iriperori koakerori amenakotantatsiri).
  • Yora koayetirori (iriperori timakoyetatsiri amenakoyetirori pikoayetiri, ari yamenakoterori otsipaki).
  • Maaroni koayetakerori yobakoyeteneri aisati otimakoteri ikoayeteri.

Piyotabakero oka, ashitarori kajemamentotsi ari okantakantakero okantakoyetimpi pakoperotirorika pikoayetiri, ari okantakantiro kantakantayetirori.

Piyotakoperotabakero okameka, aririka poakotakero pikantakoterorika, aisati pikoabajero pikamantakotero pantabetakari anta okenakoti kajemamentotsi aisati paperi web okantakantiri pikoayetiri kajemamentotsiki panitakayril, iritake amenakoteroni ashiperotarorri koakerori.

(*) Ari omatakea pikamantakotero anta ashitaroriki kajemamentotsi, teerinka onimotempi pikamantakobetantakarori. Pamenkotero sampitaantsi 11.
(**) Ari omatakea pikamantakotero ora ashitarorriki teerika okamantiteampi pikantakoyebetakari, aririka itsatijakoyetakempiro pikobiri pikantakoyebetakarorinka, ashitarori kajemamentotsi eiro ishineyetimpirotsi pikantakotero, pikantakoyetajero pamenero sampitaantsi 9 y 10.

Yora ashitarori kobirori ari imatakea ikantakotero anta ashitarorirki, ari yametakoteronta:

  • Kajemamentotsiki: Ora ashitarori kajemamentotsiki otimatee opempiro ora sankenataantsi aisati kantakantirori pikantakobetakaro. Irorika kantakotaantsi, kantakotaantsipee, pikajemantakarori, Ora ashitaroripee kajemamentotsipee, otimatee yakotero ñabetaantsi,aisati ikamantakoteri kobirori.
    Pikenkeshirero ora, iritake ashitarori ari imatakea ikantakotero kajemamentotsiki aririka otime kaari kametsayetatsiri okantakoyetaa koakotaantsi pikobiri panitakayetiri.
  • Abiroperotake sankenarentsiki: Yora kobirori otimatee isankenatakotero ara sankenarentsiki ikantakotantearori, ara iroperoriki aisati otsipasatoki. Ara otsipasatoki pikantakanteri, ora okantakanteri aparoni sankenarentsiki aririka pikantakantakero, ora ashitarori kajemamentotsiki otimatee poakotero: ora kitayteriki aisati orea aririka ikantakotakero, ibajiro aisati kantakantiriri otsipa ibajiro janika akerori, aisati ipitsenkantakarori ora ashitaroriki kajemamentotsi aisati sankenarentsiki aisati oijatakotirori ikantakantantearori.
  • Paperiki web: yobakotantakarori kantakaantsi, ora ashitaroriki kajemamentotsiki otimatee ipempiro pikobiri aparoni sankenarentsi pikantakantantakarori, okantakoperota: ora kitayteriki aisati orea aririka ikantakotakero, ibajiro aisati kantakantiriri otsipa ibajiro janika akerori, aisati ipitsenkantakarori ora ashitaroriki kajemamentotsi aisati sankenarentsiki aisati oijatakotirori ikantakantantearori.
    Pikenkeshirero ora, iritake ashitarori ari imatakea ikantakotero anta páperiki web aririka otime kaari kametsayetatshiri okantakoyetaa koakotaantsi pikobiri panitakayetiri.

Ari omatakea pikantakotero tererika akiteampi pikantakoyebetakaronta ashitarori kajemamentotsiki, pikoakotitearo omajerete kantakantirori iroperori (akantabake, ora ashitarori ari aakotakero pikoantakarori pikantakotantakarori. Otimatee pamenakotabakero, timatsi okaratakoti 2) apite, opoñakotitanaka kitayteri ikamantayetantakempiri oshitoakotanake, pikantakantantakarori aisati pikamitantakarori.

Ora ashitarori otimatee (3) kitayteri iroperori pitiankantearori pikantakotero ara Kamantamentontsiki ora OSIPTEL (TRASU), irotake ari otiankakempi aparoni kamamtaantsi apitekera otsipasatoki kantakaantsi.

Ari omatakea pikantakotero, opoñanakempa okenakoti kajemamentotsi, aisati ñabetaantsi ari pamenakoterori anta piñabetantari pikantakotantakarori, piyotakotabakero:

  • Pikantakotero itsekakoyetakempiro pikobiri, aisati poijatakotero; irosati
  • Pikantakotero eirorika oshinetimpiro poinijantakotero pikantakotantakarori itsekakoyetakempiro,aisati yapitsatajimpiro, yobakoyetajimpiro pikobiri, iroperori okantakota okantashibetakearinka pikoabetari aisati pikamitantakarori, aisati okantakoyeta ikamantetiteampi pashiperotantearori, eirokea okantashibetantatsi pikajemamentoo aririka pikantakotakero; aririka
  • Pikantakotakero okenakoti pikantakobetakaro irosatibetacha pikantakobetakaro otsipaki sankenarentsi

Pikenkeshirero iritake yora ashitarori ari imatakero ikantakotero kajemamentotsiki kaari kametsayetatsiri okantakota ikoakantiri kobirori anitakomentotsi.

Ari omatakea pikantakotajero aparoni pikoajero pikantakotero ora ashitaroriki kajemamentotsi. Okaratakoti pikantakotajero ora pikoajero eiro omatatsi okisoperote (15) kitayteri iroperori opoñakotanakempa kitayteri pikantakantantakarori akantakampari pikoantakarori (paperibetatsiri poñakotatsari).

Aparokia pikantakantero pikoajero pikantakotero, ora kajemamentotsiki, arika kamantaantsi opoñakota anta pikajemantapinitari ora pikantakotakeri, irokia pikantakotiri itsekakoyetantakampiri, eirorika pikoajiro aisati eirorika ikamantayetimpitsi, yobakotajempirorinka aisati oñabetantanajeari pikobiri, iroperori kantakotaperotirori eiro okantashibetaantatsi pikobiri, teerika pikamitero amenakotimpiri, aisati otsipapee okamantitakiampirinka yora ashitarori koakerori tee otimakoteri kobirori kajemamentotsi irotake pikantakanteri.

Pikenkeshirero iritake, yora ashitarori kantakanterone yakotantajearori kajemamentotsiki aisati páperiki web, arika otimake kantayetachari otsipayetaro ora ipetakempiri pikoayetiri ñanamentotsipaye okantashiyeta anitakotatsiri pikobiri.

Pikantakotero aparoni pabentakotaearo terika omonkarakotempiro OSIPTEL, pitiankakantero ora sankenarentsipeki ashitari pitiankakantero ora sankenarentsipeki ashitari usuarios@osiptel.gob.pe aisati sankenarentsipeki ashiyetari anta osaykakoyeti nampitsipeki akantakoteronta (poakotero pamenantearori ora web jaka), irokia aririka ashitarori tee omonkaratero okantabetakari :

  • Aparoni iroperotaantsi pikantakotitearo (SAR);
  • Aparoni iroperontaantsi pikantakotitearo aririka pabentakotakearo (SARA);
  • Aparoni sankenarentsiperori otiakempiro iroperotaantsi ashitaroriki kajemamentotsi;
  • Aparoni Sankenarentsiperori otiankempiro opoñakota TRASU; aisati
  • Poyakotabakero majeretaantsi sankenatirori iroperori (SAP).

KANTAKANTIMPIRI PAYERO KAMANTAANTSI IROPERORI ,KAMETSAPERORI AISATI IROAKERARI, OTIMAKOTITEAMPI AISATI PANTAKARORI AMENAKOTIMPIRI PIKOBIRI

Otimate piyotabakero jaoka okantakoyetari amenakoperotimpiri iroperontanteari pikoayetiri, ora ashitarori kajemamentotsi otimatee opempiro kamantantsiperori:

  • Ora okantakempiri pikobiri.
  • Okantakota, opashinitakoyeti aisati okantakoyetiri okantakempiri pikoberi.
  • Okantakota pipinakobetantearori.
  • Okaratakoti okisote amenakotimpiri opantakempirori pikobiri, opoñakota sankenataantsi kantakotitarori, pipinatakoteri, aririka otime aisati pokatsine pipinabenteri kirekipaye.
  • Areperobeta ashiyaperotee kantakantimpiri iroperori aisati oñakotakantero iroperori eiro okantantashiyeta Megabits iroperori (Mbps), okantakoyeta pikoayetiri, oshiyaperota opempiri (downlink) aisati otiankempiro kamataantsi (uplink), aisati opayetempiro eirokea okantashibetaantatsi oshiyakoperota paita pikoayetiri aisati otimakotanteampiri Internet (sabikakotatsiri aisati panitakairil)
  • Okaratakoti oshintsiperoti areta Megabytes (MB) aisati Gigabytes (GB), aririka okoakantero pikobayetiri, otimakotanteampiri Internet (sabikakotatsiri aisati panikairil);
  • Okantakota obinaropee poakoteri.
  • Ora pikobiri ari omatakea piñatatakotero ñabementotsiki ashirotsaki, okaratakoti aisati okantakota okonijatakoti ikantakantakotirori, aisati okantakota pitsekakotantajearori pikobiri amenakotimpiri ishabiji kantakantirori pipinakobenteri.
  • KANTAKANTIMPIRI PAYERO KASHIRIPEKI PISANKENATAKOTANTAKARI AISATI PIPENABENTIRONTA KAMETSAPERORI

    Arika, pipakero otimatee pamenakoperotero okarate (5) kitayteri amenakotirori opoñanakempa kitayteri otsonkanteari pipinakobenteri koakotimpiri ara pisankenatakotironta, aisati pikamitakantero iroperori ipetajempiro anta pibankoki.

    Okoaperota piyotero, okaratakote Okantakota Kobenkataantsi Anampiki, ora ashitaroripee kajemamentotsipee aritake omatakero opantajempirori maaroni koakotimpiri anta sankenarentsipeki, aisati yora ashitarori ikoakotakero aisati itiankakero sankenarentsiki pajirikeri.

    Arika ora ashitarori kajemamentotsi eirorika opitanpirotsi okarati okantabetakari omonkaratakayero,aritake pikantakantero ora ashitaroriki kajemamentotsiki otimatiye okantakantero 8 kitayteri iroperori.

    Pikenkeshirero aisati, ari omatakea pamenakotero pipinakobentiri, anta okantakoyetanta kamantantsiki (App) otimakoyetiri anta ashitaroripeki kajemamentotsi obakantakeri.

    Ora ashitarori kajemamentotsi ari okoakotakempi pipinakobenttiri opoñakotanakempa aparosati kantakantirori amenakotiri okantayeta pikobiri amenakotimpiri, otsipatanakearo pikoayetiri kantayetatsari aisati pakoperotantearori.

    Ora obajiropee ari omotakea pikoakotero obinaro:

  • Opinata aisati okantakantiri sabikakotatsiri, okantayteani okantakantiri.
  • Opinata poakotantearori otimakotanteampiri ora iroperori.
  • Pitsonkakeri piñanatantakari.
  • Pikobiri otsipasatoki, oshiyabetari otsipapee pikoayeteri anta kantakantimpiri aka tikakobentantsiki.
  • Otsipapee pikobiri kajemamentotsiki otsipasatopeki amenakotimpiri pikoayetiri koakotimpiri aisati payebetakari ara ashitaroriki kajemamentotsiki iroperori.
  • Poakotajero iroakerari pikobiri amenakotimpiri, opoñakotempa ora peperijaniki pipinatantarori.
  • Pinakobentaantsi poñakotatsari piñabentantari tsonkatsari y/o aisati pipinakobentiri piñanatantari pikoayetiri, amenakoperotaantsi ora kantakairori aisati pipinabenteri aisati pipinakobentiteari.
  • Pipinabentitearo kaari pipinabentiri.
  • Pakotabakero, poipeajero y/o opinakobenteri.
  • koakotantsiperori
  • Eirokea ora, ashitarori, kajemamentosi opinakobentero koakotirori opoñakota koakotaantsi obajiroperori opoñakoyeta koakotaantsipayee, koakoperotaantsiperori oshiyabetaro .

    KANTAKANTIMPIRI PIKISOYERO PIKAJEMAMENTO AISATI ARIKA PIKOAJE OTSIPASATOKI

    Ora poakatajero pikajemantari irotake kantakantimpiri aisati oshinetimpi pashiperotearo aisati eiro pijokiro pikajemamento sabikakotatsiri aisati panitakairi, asiati pikantashitearo ora ashitarori kajemamentotsi. Aririka pikobiri panitakayiri, ari omatakea okaratakote 24 orea pintantakanakarori pikoantakarori iroperori, arikea ashitarori otimakoteri amenakotiriri okaratakote (10) kamemamentotsiki.

    Obekara okantakota opoñakota pantajearori pikobiri kajemamentotsi sabikakotatsiri irotake kantakanterone jaoka okarate kitayteri obakotantantajempirori pikobiri kajemamentotsi sabikakoro.

    Abirotakerinka ashiperotarori pikoayetiri ari omatakea pikantakotero otsipasato pabisakotaje kaari pikantakoti ora meeka ashitarori kajemamentotsi obakotantakempirori. Timatsi okaratakoti (2) kashiri, intanakaro opoñakotantanakari intanakantarori pajiro otsipasato, pikantantakotakarori.

    Aparosati pikantakontantakarori, ora ashitarori kajemamentotsi okoaperota:

    • Pitsekakotero pikobirii, iro kantaincha iroperori ashitarori ora amenakotimpiri, aisati,
    • Irokia otsipasato otsipatakotempa akoota pamanantajerorinka ora pikajemantari, aritake omatakea oshiyakotampi ari osankenatakotaquempi ora kantakairori IMEI aisati oka kametsaperori ora shiyakantarori kaari kametsaperori.

    Ora pikantakotiri aririka okantakotakempi kametsa (kametsaro),otimatee ora ashitarori:

    • Pajero pikajemantari kajemamentotsiki ashitakantaroriki, irosati okarati opinatakota peerani.
    • Ari otsonkapempa ikaminayetempiro kaari pipinati, aririka, okoakotakempiro otsipasato pinabentaantsi kantashiyetatsari pitsonkakotitakantakarori pikajemamento aisati okoakotantarori ashitaroriki, terika pikantakantakoteroji.

    Ari, ashitarori aparoni eiro akakotirotsi pikoakotantakarori ari:

    • Eiro otimitsi okantakotempa osamanite aparoni kashiri ora ashitaroriki kajemamentotsiki iroakerari.
    • Pitsekakotakerorinka ora pikobiri aisati abisanakerinka okarati 30 kitayteri iroperori.
    • Opoñantanakari pikoantakarori otsipasato, timatsirinka kaari pipinati okarati ikoantetampiri aisati timatsikera kaari pipinati ari otsipareakempiro.
    • Ora pikobiri otsekakoyetakempi kaari pipinati, koantaantsi kaari kametsari, pikantakotero tee okametsateji.

    KANTAKANTMPIRI TERIKA PIKOAPAJERO EIRO ISHINTSINAYETIMPI AISATI TEKATSI SHINTSINATAATSI

    Ari, omatakea tempa abirotake ashitarori pikobiri timatsi kantakantimpiri ari omatakea pikamitero otsekakotempa pikobiri ora ashitarori kajemamentotsi, eiro ishintsinayetimpi aisati ikamantaperoyetimpi. Pikoakotero sankenarentsi aisati kantakantaperotirori.

    Otimatee pamenaperotero, otsonkaperota kantakantaperotimpiri ashitarori irokia teekia pobabisakotempa oshintsinatempi otimate pipinakobentero kaari pipinabenti, aisati pokoayeteri ipetakempiri irosati pintantanakarori pitsonkantakarori amenakotimpiri.

    Okaraperoti otsonkitea okarati oshiyakota (5) kitayteri iroperori, opoñanakempa pikamantakotantakarori, terika poakotabakeroji kitayteri.

    Pikenkeshireabakero, yora ashiperotarori pikobiri iritake koakanterone otsekakotempa ashitaroriki kajemamentotsi, otimatee akoakotitearo okarate (5) kitayteri iroperori aisati eiro osantsataperoti okarate (1) kashiriperori.

    Ari, otimakotake okantakota maaroni pikoayetakeri pitsekakantero ora pikobiri otimakotanteampiri Internet Sabikakoro aisati pikoayetiri otsipasatoyetatsiri maaroni pikobiri pikoakantero ashitaroriki Telefónica del Perú S.A.A. otimatee antakotempa okarati osamanitakote (1) kitayteri iroperori, opoñanakempa pikoantakarori.

    Ora meeka pikoantakarori pitsekakotero ari omatakea pamenakotero iroperori amenakotantaantsipero opajita(App) aritake piñakoterori okantakoyeta otsipapee kantakantimpiri timayetatstiri.

    KANTAKENTIMPIRI PIPETIJAKOTANTEARORI PIKAJEMAMENTO PIKOBIRI PIPIAKERORINKA AISATI IKOSHIYETAKEMPIRORINKA.

    Yora ashiperoyetarori aisati koayetirori ari imatakero ikamisanoteri ashitarori kajekamentotsi ora ipetijakerorinka kajemamentotsi aisati itsekakoyetitempiro pikobiri. Pikenkeshirero pikamitero aisati pikempoyero pikajemanteari arika ikamantakoyetempi.

    Piyotakoperotabakero jikotacharii,ora ashitarori kajemamentotsi otimate itsekakotempiro maaroni pikobiri aisati ipetijakoyetempiro pikajemamento , intsipaiji pikamantakotantakarori . Eirorika okemisantitsi ashitarori , ari ipinatajero maaroni intantakari aparoni kitaitaeri pikamantantakarori.

    Arika tee onimotempi ipetijakoyetempiro pikajemamento panikatairi (kajemamentotsi) aisati /ora itsekakoyetempiro pikobiri panitakairi otimantakari ipetijakoyetakempironta , aviro ashiperoyetarori pantero aparoni sankenarentsi panakero anta ashitarorinka pikajemamento, paanakero kajemamentotsi petikajoro aisati ora opentoki orijaniki jitachari SIM Card (Chip).

    Ora ashitarori kajemamentoshi amenero kametsa aisati amenero kametsa sankenarentsi aisati otinayero intsipaiji ora petijaro kajemamento aisati/ora oñantanajeari pikobiri, terika pitseyaji. Eirorika , itiyankaketero maaroni anta OSIPTEL, okarate opoñanta (15) kitayteri pikamantantakarori anta sankenarentsiki. Impoiji, ora OSIPTEL ari akanakero sankenarentsi pitiankakeri, okarate (15) kitayteri.

    KANTAKANTIMPIRI PIKOYERIKA ITSEKAKOYETITEMPIRO PIKOBIRI

    Abirotake ashitarori ari pimatakero pikamite pikoyerika itsekayetempirota pikobiri opoñakempa 15 kitayteri aisati 2 kashiri apani osarentsi pikobiri. Opoñanta kitayteri ora ashitarori eiro opinatajempi pikobiri.

    Piyosanotero ,ora añantajeari pashi pikobiri eiro osamanitatsi arika pikamitakero ashitarori anta kitayteripee okantakeri aisati ashitarori kajemamento ari opinatakempi kapichaji obinaro.

    Ari, pantero sankenarentsi pitiankero anta ashitarori kajemamento aisati ora ashitarori añanajero pashi pikobiri tekerata otsonkempaji pikamitakeri penari itseketempiro.

    SHIYABETARORI AMENAKOTIMPIRI PIKOIRORINKA SANKENARENTSI AISATI PAPERI OINIJAKANTIRORI